Германиянинг "Майнц" клуби раҳбарияти жамоада Гонсало Харани бошқа кўришни истамаяпти.
Америка кубоги 1/4 финалида Чили – Уругвай учрашувида (1:0) Хара Каванига номаъқул қилиқлар қилган ва бунинг оқибатида Кавани иккинчи сариқ карточка олиб майдонни тарк этган эди.
"Хара хабардор -агар унга таклиф тушса, уни қўйиб юборамиз. Биз бундай ҳулққа чидай олмаймиз. Ҳаммасидан кўра, Харанинг охирги қилиғи жаҳлимни чиқарди. Мен симуляцияларни ёмон кўраман", - дейди немис клубининг спорт директори Кристиан Хайдель.
