“Реал” испаниялик ҳимоячи Серхио Рамос “Манчестер Юнайтед”га кўчиб ўтадиган бўлса унинг ўрнига ўринбосар топиш ишларини бошлаб юборган.

AS маълумотига кўра, Мадрид клуби “Валенсия” ҳимоячиси Шкодран Мустафи хизматларига қизиқиш билдирмоқда, деб хабар бермоқда Sports.ru.

“Кўршапалаклар” Германия терма жамоаси 23 ёшли футболчисини “Сампдория”дан 8 миллион евро эвазига сотиб олишган ва у билан 2019 йилгача шартнома имзолашганди.

Якунига етган мавсум Примреада Мустафи 33 ўйинда майдонга тушган, уларда 4 гол ва 1 натижали узатма муаллифи бўлган.

Аввал “Реал”нинг Николас Отаменди (“Валенсия”), Леонардо Бонуччи (“Ювентус”) ва Лоран Косьельни (“Арсенал”) каби футболчиларни ҳам кузатаётгани ҳақида хабарлар тарқалганди.