“Атлетико” ярим ҳимоячиси Арда Туран твиттердаги саҳифасида бошқа жамоага ўтиши мумкинлиги ҳақида тарқалган хабарларни тасдиқлади, деб ёзади “СЭ” нашри.
28 ёшли туркиялик футболчининг агенти Туранга қизиқиш билдирган уч-тўрт клуб билан музокаралар олиб бораяпти.
Эслатиб ўтамиз, аввал футболчига “Барселона”, “Манчестер Юнайтед”, “ПСЖ” ва “Милан” қизиқиш билдиришган.
“Менинг қайсидир клубга ўтганим ҳақида хабарлар ҳақиқатга зид. Айни вақт агентим уч-тўрт клуб билан музокара олиб бормоқда. Келишув амалга ошса бу ҳақида ўзим хабар қиламан”, – деб ёзган Туран твиттерида.
