“Манчестер Юнайтед” раҳбарияти ҳужумкор ярим ҳимоячи Анхель Ди Марияни “ПСЖ”га қўйиб юбориши мумкин, деб хабар бермоқда Daily Star га асоланиб “СЭ” нашри. 

Нашр маълумотига кўра, 27 ёшли аргентиналик футболчи эвазига “қизил иблислар” уругвайлик ҳужумчи Эдинсон Каванига эгалик қилиш ҳуқуқини сўрашмоқда. 

Эслатиб ўтамиз, Ди Мария 2014-йилда “Манчестер Юнайтед”га кўчиб ўтган ва трансфер 59,7 миллион фунт, яъни Англия клублари учун рекорд нарх эвазига сотиб олинганди. 

Якунланган мавсумда у манкунианликлар сафида 32 ўйин ўткзаган ва 4 гол ҳамда 10 голли пасга муаллифлик қилган.