“Интер” раҳбарияти янги мавсум олдидан жамоа ҳужум чизиғини кучайтириши мумкин бўлган футболчини излашда давом этмоқда, дея хабар қилади “СЭ”.

Аввал “неразурри”нинг “Челси” ярим ҳимоячиси Муҳаммад Салоҳ бўйича таклиф билан чиқишгани ва футболчига йилига 3 миллион евро ваъда қилишгани ҳақида хабарлар тарқалганди. 

Бироқ мисрлик футболчи ўтган мавсумнинг иккинчи ярмида ўзи ҳаракат қилган “Фиорентина”га ўтишни истамоқда. 

Sport Mediaset хабарига кўра, миланликлар энди “кўклар”нинг бошқа бир футболчиси, А Серия мухлисларига “фиалкалар”даги ўйини сабаб яхши таниш бўлган Хуан Куадрадога қизиқиб қолишган. 

“Интер” 27 ёшли колумбиялик футболчини кейинчалик сотиб олиш шарти билан ижарага олмоқчи.