“ПСЖ” раҳбарияти “Барселона”дан бразилиялик ҳужумчи Неймарни сотиб олмоқчи ва бунинг учун 190 миллион евродан воз кечишга тайёр.
Париж клуби бу борада 2016 йилнинг ёзида расмий сўров юборишни режалаштирмоқда, деб хабар беради championat.com Le Parisien интернет-нашрига таяниб.
Агар мазкур харид амалга ошса, Неймарнинг “ПСЖ”га ўтиши футбол тарихидаги энг қиммат трансферга айланади. Ҳозирча бу борадаги энг юқори кўрсаткич Гарет Бейлга тегишли. Уэльслик футболчи 100 млн евро эвазига “Тоттенхэм”дан “Реал”га кўчиб ўтганди.
Эслатиб ўтамиз, Неймар ўтган мавсум барча мусобақаларда 51 учрашув ўтказиб, 39та тўп киритди ва 8та голга асистентлик қилди.
