Украина терма жамоаси ярим ҳимоячиси Анатолий Тимошук фаолиятини Қозоғистон чемпионатида давом эттириши мумкин. Унга Алматининг “Қайрат” клуби қизиқиш билдирмоқда. Футболчининг ўзи мамлакат чемпионати доирасидаги “Қайрат”–“Астана” ўйинини бевосита аренанинг ВИП-ложасидан кузатган.

Қозоғистон чемпионати бронза медал соҳибларининг украиналик футболчи билан музокара бошлагани ҳақида хабарлар ҳозирча йўқ. Шуниси аниқки, 1 июль кунидан Тимошук расман эркин агентга айланади. 2 июль куни эса “Қайрат” жамоаси Европа Лигасининг биринчи саралаш босқичидан ўрин олган учрашувда “Црвена Звезда” клуби меҳмони бўлади.

Маълумотларга кўра, Анатолий Тимошукка “Қайрат” клубидан ташқари АҚШ, Ҳиндистон ва Саудия Арабистони жамоалари томонидан қизиқишлар бўляпти.