Мадриднинг “Реал” клуби дарвозабони Икер Касильяс “Рома”дан ҳеч қандай таклиф олмаган. Бу ҳақида футболчининг агенти Карло Кутропиа маълум қилди.
“Бизга “Рома” вакилларидан қўнғироқ бўлмади. Мен Рим – ажойиб шаҳар, “Рома” эса ажойиб мухлисларга эга жуда кучли жамоа деб шунчаки айтгандим”, - дея championat.com Marca нашрига таяниб Кутропианинг сўзларини келтиради.
Ҳали ҳамон Касильяснинг Қироллик клубидаги тақдири мавҳумлигича қолмоқда. Испан гранди ўз эътиборини “Манчестер Юнайтед” посбони Давид де Хеага қаратган. Кўпчиликнинг фикрича, агар ушбу трансфер амалга ошса, Касильяс асосий таркибдаги ўрнини бой беради.
