“Сампдория” камерунлик ҳужумчи Самуэль Это'О билан келишувни бекор қилди. Бу ҳақида championat.com клуб расмий сайтига таяниб хабар бермоқда.

Аввалига келишув 2018 йил ёзига қадар мўлжалланган эди, бироқ томонларнинг розилиги билан битим бекор қилинди.

“Сампдория” 34 ёшли камерунлик футболчига миннатдорчилик билдириб, унинг кейинги ишларида омад тилади. Бундан ташқари ҳужумчи иштирокидаги энг муҳим лавҳалар акс этган махсус видеороликни ҳам омма эътиборига ҳавола қилди.

Аввалроқ италян ОАВ Это'Онинг “Антальяспор” клуби билан шартнома имзолаши мумкинлиги ҳақида хабар тарқатганди.