Лондон клуби “Сток Сити” дарвозабони Асмир Бегович трансфери учун “кулоллар”га 6 миллион фунт стерлинг таклиф қилишди, деб ёзмоқда Football.ua.
“Арсенал” Петр Чех трансферининг амалга ошганини эълон қилганидан кейин “кўклар” чехиялик посбон ўрнига мос ўйинчи излаш ишларини бошлаб юборишган.
The Telegraph нинг ёзишича, “аристократлар” Босния ва Герцеговина терма жамоаси голкипери учун клубга таклиф жўнатишган.
“Сток Сити” биринчи таклифни рад қилган. Хабарга кўра клуб Асмирнинг сотувидан 8 миллион фунт даромад кўришни истамоқда.
Икки жамоа ўртасидаги келишув яқин 48 соат ичида ҳал қилиниши кутилмоқда. 2014/2015-йилги мавсум АПЛда Бегович “Сток Сити” таркибида умумий ҳисобда 35 та учрашув ўтказганди.