“Машъал” Олий лиганинг биринчи даврасини сўнги учрашувини воҳа дербиси билан якунлайди. Қаршида “Насаф” меҳмони бўламиз ва биринчи давра тамомланади.

30 июнь куни ҳар икки жамоа ёшлари ўйини “Геолог” стадионида 18:00 да бошланади. Бу ўйинда ёшларимизга Сирожиддин Раҳматуллаев ва Турсунмурод Ҳамдамовлар сариқ карточкалари сони тўрттага етгани боис ёрдам бера олмайди. Ёшлар баҳсини эса Аскер Нажафалиев бошқариб боради.

1 июль куни бўлиб ўтадиган асосий таркиб жамоалари ўйини 20:00 даги Қаршидаги “Марказий” стадионда бошланади. Мазкур ўйинни бошқариб борувчи ҳакамлар гуруҳи маълум бўлган. Ўйинни Цейтлин бошчилигидаги ҳакамлар гуруҳи бошқаради. Асосий таркиб жамоалари ўртасидаги баҳсда эса жамоамизга ўрта чизиқда ҳаракат қилувчи Зафар Тўраев ва Микита Букаткин огоҳлантиришлари сони тўрттага етгани боис ёрдам бера олмайди. Ундан ташқари жароҳати боис майдонга туша олмаётган Зоҳир Қўзибоев ўйнай олмайди.

Александр Хомяков олдидан жуда муҳим баҳс турибди. Дерби мақомидаги бу ўйин аҳмияти жиҳатида бошқа учрашувлардан фарқ қилади. Доимо муросасиз кечадиган ўйинга футболчиларимиз ҳам жангавор руҳда тайёргарлик кўрмоқда. Барча мухлисларимизни Қаршида жамоамизни қўллаб-қувватлашга чақирамиз.

1 июль (чоршанба)
«Насаф» (Қарши) – «Машъал» (Муборак) 20:00
Ҳакамлар: В. Цейтлин (Тошкент), М. Саидқосимов (Тошкент), Р. Серазетдинов (Тошкент), А. Нажафалиев (Тошкент)
Назоратчи: А. Арутюнов (Тошкент).
Ўз ПФЛ вакили: Шерзод Ражабов.