Football.ua нинг Британия ОАВга асосланиб хабар беришича, Александр Сонг фаолиятини “Интер”да давом эттириши мумкин.
“Интер” эгалик қилиш “Барселона”га тегишли бўлган ярим ҳимоячини сотиб олишга уриниб кўради, дейилади Sky Italia хабарида. Шуни таъкидлаш мумкинки, Александрнинг каталонияликлар билан шартномаси 2017-йил ёзигача амал қилади.
27 ёшли камерунлик футболчи ўтган мавсумни ижара асосида “Вест Хэм”да ўтказганди. Аввалроқ “Вест Хэм”нинг Сонгни сотиб олишга уриниб кўриши ҳақида гап-сўзлар тарқалганди.
Сонгнинг хизматларига “Ливерпуль”, “Манчестер Сити” ва “Челси” ҳам қизиқиш билдиришган.
Якунланган мавсум Англия премьер-лигасида Сонг Лондон клуби сафида 28 учрашувда майдонга тушган.
