Робиньо ўзининг қадрдон "Сантос"ини тарк этди. Тажрибали ҳужумчи шартнома бўйича келиша олмаган. Бу ҳақида еuro-football.ru клуб расмий сайтига таяниб хабар бермоқда.
Футболчи сўнгги вақтларда "Сантос"да ижара асосида тўп сурганди. Робиньонинг трансфер ҳуқуқи "Милан"га тегишли эди. Аммо 30 июнда унинг "россонерлар" билан тузган келишуви ўз ниҳоясига етди ва форвард эркин агентга айланди.
"Сантос" ўз тарбияланувчисига битим таклиф қилган. Аммо “балиқлар” Робиньо учун курашда Европа клублари билан рақобатлаша олмаган. Ҳозирча футболчининг фаолиятини қаерда давом эттириши номаълум.
