“Ювентус” спорт директори Жузеппе Маротта “Барселона” билан франциялик хавбек Поль Погба бўйича музокаралар олиб борилганини тасдиқлади, деб ёзмоқда Спорт Экспресс. 

Мароттанинг айтишича, томонлар ҳали ўзаро келишувга эриша олмаяпти.  22 ёшли футболчига “Реал”, “Манчестер Сити”, “Челси” ва “ПСЖ” ҳам қизиқиш билдирган. 

Аввал “Ювентус”нинг ЖЧ-2014нинг энг яхши ёш футболчиси сотувидан 100 миллион евро даромад кўришни истаётгани ҳақида хабарлар тарқалганди. 

2014/15-йилги мавсумда Погба туринликлар таркибида барча мусобақаларда 41 учрашув ўткзаган ва уларда 10 гол ҳамда 6 натижали узматага муаллифлик қилган.