Мадриднинг “Атлетико” ярим ҳимоячиси Арда Туран “Барселона”га ўтишига яқин турибди. 28 ёшли яримҳимоячининг трансфери яқин соатларда клублар орасида келишиб олинади.

Бу келишувнинг амалга ошишида футболчининг “Барса” сафида иштирок этиши истаги ҳал қилувчи аҳамиятга эга бўлди.

Трансфер қиймати 35-36 млн евродан ошмаслиги маълум қилинди.

“Барса” 2016 йилгача ўз сафида янги футболчиларни қайд қилишига тақиқлов амалда бўлгани сабаб, клуб Туранни “Галатасарай”га ижара бериб юборади ёки футболчи “Барселона Б” (“Барса”нинг захира жамоаси) таркибида тўп суради.