“Манчестер Сити” ўз расмий сайтида бир неча футболчига жавоб берилганини эълон қилди, деб хабар бермоқда Спорт Экспресс нашри.

“Шаҳарликлар” ўтган мавсум ижара асосида “Валенсия”да ҳаракат қилган ҳужумчи Альваро Негредонинг испан клубига кўчиб ўтганини эълон қилди. 

Испаниянинг AS нашри хабарига кўра трансфер 30 миллион евро эвазига амалга ошган. Шунингдек, “Манчестер Сити”ни Скотт Синклэйр ва Матия Настасич ҳам тарк этишди. Ўтган мавсумни ярим ҳимоячи “Астон Вилла”да, Настасич эса “Шальке”да ижарада ўтказишганди.

Эслатиб ўтамиз, “Манчестер Сити”ни аввал эркин агент сифатида Жеймс Милнер ҳам тарк этган ва “Ливерпул”га ўтган, яна бир ҳимоячи Мика Ричардс ҳам “Астон Вилла” таркибига қўшилганди.