Осиё футболи хорижлик легионерлар билан бойишда давом этмоқда. Қатар, Хитой клубларидан кейин БАА жамоалари ҳам Европада тўп сурган футболчилар билан шартнома имзолашда бўш келмоқчи эмас.
Бразилиялик форвард Жо “Атлетико Минейро”ни тарк этиб, БААнинг “Аш-Шабоб” клуби билан шартнома имзолаяпти.
28 ёшли футболчи трансфери тахминан 3 миллион евро эвазига амалга ошади, деб хабар бермоқда O Globo га таяниб Sportbox.ru.
Жо “Атлетико Минейро” таркибида 2012-йил май ойидан яъни “Интернасьонал” тартибга риоя қилмагани учун таркибдан четлатганидан бери ўйнаб келаётганди. 2013-йилда футболчи Либертадорес кубогининг энг яхши тўпурари бўлган ва жамоаси мусобақада ғалаба қозонганди. 2014-йилда ҳужумчи терма жамоа мезбонлик қилган мундиалда иштирок этган.
Эслатиб ўтамиз, Жо “ЦСКА” сафида 2006 – 2008-йиллар давомида ҳаракат қилган ва 80 учрашувда 47 голга муаллифлик қилганди. 2006- ва 2007- йилларда “ҳарбийлар”нинг энг яхши тўпурари бўлган.
Шунингдек, у “Манчестер Сити” ва “Эвертон” клубларида ҳам ҳаракат қилган.
