"Бавария" клуби бош мураббийи Хосеп Гвардиола "МЮ" клуби вингери Анхел ди Марияга қизиқиш билдирмаётганини айтди.
Бундан сал аввалроқ келтирилган хабарда Ди Мария клубдан кетмоқчилигини баён этган эдик. Шундай бўлсада, мюнхенликлар ўйинчининг трансферини амалга ошириш ниятлари йўқ. – Мен Аргентинанинг Америка кубоги-2015даги ўйинини кўрганим йўқ, чунки Ди Мариянинг қандай футболчи эканини яхши биламан. Бу тоифадаги ўйинчилар менга жуда ёқади, аммо биз у билан қизиқаётганимиз йўқ, – деб жавоб берди Гвардиола