«Барселона» президенти Жозеп Бартомеу «Атлетико» ярим ҳимоячиси Арда Туроннинг эҳтимолий трансфери борасида ўз фикрларини билдириб ўтди.
«Луис Энрике уни харид қилишни сўраган. Бизнинг асосий мақсадларимиз Алеиш Видаль ва Арда Турон эди. Раҳбарият бундай футболчилар билан шартнома имзолаши керак. Туронни қўлга киритишимиз керак ва уни мавсумолди йиғинимизга қўшиб олишимиз керак. Футболчи 10 кун кута оладими ёки йўқми, билмайман.
Умид қиламан, тез орада шартномани расмийлаштирамиз. Унинг баҳоси – 35 миллион евродан камроқ», – дейди Бартомеу.
