«Барселона» клуби «Флуминенсе» билан 18 ёшли ярим ҳимоячи Жерсоннинг трансфери борасида келишувга эришди.
Sport.es сайтининг хабар беришича, каталонияликлар директори Рауль Санллехи яқинда Рио-де-Жанейрога ташриф буюрди ва Жерсоннинг трансферини футболчининг отаси билан муҳокама қилди.
Бразилиялик футболчи 2016 йилнинг ёзида Каталонияга кўчиб ўтади ва 5 йиллик шартномага имзо чекади. «Барселона» футболчи учун 16 миллион евро таклиф қилди ҳамда кейинчалик футболчининг сотилишидан тушадиган нархнинг 20 фоизини бонус сифатида тўлаб берадиган бўлди.
Аввалроқ «Барселона» «Флуминенсе»га Жерсон, Марлон ва Кенедининг трансфер ҳуқуқини сотиб олиш учун 3,2 миллион евро тўлаганди.
Жерсон билан «Ювентус» ҳам қизиққанди.
