"Вольфсбург" клуби спорт директори Клаус Аллофс жамоа етакчиси Кевин Де Брюйненинг сотиб юборилиши ҳақидаги миш-мишларни рад этди. Сўнгги вақтлар матбуотда бельгиялик футболчига "Манчестер Юнайтед" ва "Манчестер Сити"нинг қизиқиш билдираётгани ёзилганди.
"Биз Де Брюйнени сотмоқчи эмасмиз, уни трансферга қўймаймиз ва ҳеч ким билан музокара ўтказмаймиз ҳам.
Кевин – бизнинг ишонган ўйинчимиз. Уни қимматга харид қилганимизда кейинчалик футболчини сотиб фойда кўришни режалаштирмаганмиз.
Олдимизга юқори вазифалар қўйилганди. Чемпионлар Лигаси йўлланмаси ва Германия Кубогини қўлга киритиб ўз мақсадимизга эришдик.
Эндиги режа Суперкубок ва Чемпионлар Лигасида гуруҳдан чиқиш. Амалда “Бавария" билан рақобатлашсак, зўр иш бўларди”, - дея soccer.ru Kicker нашрига таяниб Аллофснинг фикрларини келтиради.
