“Бунёдкор” – “Шўртан” учрашувидан кейинги матбуот анжуманининг иккинчи қисмида “қалдирғочлар” устози иштирок этди.

Сергей ЛУШЧАН (“Бунёдкор” бош мураббийи): - Бугун кўрсатган ўйинимиз ҳам, қайд этган натижамиз ҳам хурсанд қилди. Вазиятлардан фойдалана олмаслик асоратлари ҳали ҳам бор. Лекин бу борадаги кўрсаткичимизни яхшилаб боряпмиз. Таркибимиз тўлиқ жамланган. Балки шу боисдан бўлса керак натижаларимиз ижобий томонга ўзгарган. Лекин машғулотларда одатдагидек ишлаяпмиз. Рашидовни ўрнини муносиб номзод билан тўлдиришга ҳаракат қиламиз. Бу борада раҳбарият билан маслаҳатлашган ҳолда якуний қарорни қабул қиламиз. Давралар оралиғида таркибимизда баъзи ўзгаришлар бўлади. Режамизда бўлган “қора рўйҳат” бор. Давралар оралиғида тоққа чиқиб, у ерда шуғулланамиз.