"Челси" "Барселона" ҳужумчиси Педро учун курашга қўшилишга тайёр.
Арда Тураннинг каталон клубига кўчиб ўтиши ўзи шундоқ ҳам ўйин амалиётидан нолиётган 27 ёшли испан футболчисининг майдонга тушиш имкониятларини бутунлай чеклаб қўйиши мумкин. Шу сабабли Педро ёзда ўзига янги жамоа топишга жиддий бел боғлаган.
"Барселона"дагилар эса британ клубларидан таклиф олиб улгурган футболчисини испан клубларига сотишни истамаяпти.
The Mirror нашрига таяниб “Спорт Экспресс”нинг хабар беришича, аслида Челси" бош мураббийи Жозе Моуриньо ўз жамоасида Арда Туранни кўришни истаганди. Аммо турк футболчисининг "Барселона"га ўтиб кетиши туфайли португалиялик мутахассис ўз эътиборини Педрога қаратган.
