Ўзбекистонлик ФИФА рефериси Анна Сидорова айни вақтда Жанубий Кореяда бўлиб ўтаётган ХХVIII бутунжаҳон универсиадасида иш олиб бормоқда.

Ушбу нуфузли мусобақада 170 давлатдан 12 минг нафардан зиёд талабалар 21 спорт тури бўйича кураш олиб боришмоқда.

Анна Сидирова бошчилигидаги бригада аёллар ўртасидаги Ирландия — Хитой Тайпей (1:1) ҳамда Бразилия – Хитой (3:0) учрашувларини бошқариб борди.

Таъкидлаш керакки, Анна Сидоровадан ташқари яна бир ўзбекистонлик ҳакам — Зилола Раҳматова ҳам универсиадада ишламоқда.