"Интер" ёзнинг энг асосий трансферини амалга оширишга ҳозирлик кўрмоқда. "Нерадзуррилар" "ПСЖ" ҳужумчиси Златан Ибрагимович билан шартнома имзоламоқчи
"Интер" бош мураббийи Роберто Манчини айнан швед форварди жамоани италян футболи грандлари қаторига қайтаришига умид қилмоқда. Бу ҳақида euro-football.ru хабар тарқатди.
"Интер" Ибрагимович – Икарди ҳужумчилар тандеми бир мавсум давомида 40тадан кам тўп киритмаслигига ишонмоқда.
Эслатиб ўтамиз, айнан Манчини 2006 йили Ибрагимовични "Интер"га олиб келган ва швед форварди 3 мавсум давомида Милан клуби шарафини ҳимоя қилганди.
