“Бавария” ҳужумкор ярим ҳимоячиси Томас Мюллер фаолиялини Англия премьер-лигасида давом эттириши мумкин, деб хабар қилмоқда “СЭ” нашри. 

Хабарга кўра ЖЧ-2014 ғолиби хизматларига “Манчестер Юнайтед” қизиқиш билдирмоқда. “Қизил иблислар” 25 ёшли германиялик футболчи учун 84 миллион евро тўлашга тайёр туришибди. 

Британия ОАВнинг ёзишича, хавбек “Бавария”ни жамоа устози Хосеп Гвардиола билан келишмовчиликлар сабаб тарк этиши мумкин. Борди-ю Мюллернинг “Манчестер Юнайтед” трансефри “ўхшамай” қолса Луи Ван Гал Эдинсон Кавани, Александр Ляказетт ва Харри Кейнлардан бирини олишга уринади. 

Эслатиб ўтамиз, аввалроқ Мюллер “Бавария”ни тарк этишни истаётганини маълум қилганди. Унинг мюнхенликлар билан шартномаси 2019-йилда ўз поёнига етади.