"Милан"нинг янги бош мураббийи Синиша Михайлович янги мавсумга тайёргарлик ҳақида сўзлар экан, "ПСЖ" ҳужумчиси Златан Иброҳимовичнинг жамоага қўшилиши мумкинлиги ҳақидаги хабарларга изоҳ берди.
"Мен етти ёки саккизта машғулот ўтказдим. Менга натижа эмас, ўйинчиларнинг ишга бўлган муносабати кўпроқ ёқди. Биз ўйлаганларимизни амалда қўллашимиў керак. Ҳозирча қониқяпман, аммо ҳали кўп ишлашимиз лозим, бунга вақт керак бўлади.
Иброҳимович? У жуда муҳим ўйинчи, ҳар доим зафар қучган. Кўрамиз нима бўлар экан. У "ПСЖ"дан кетадими ёки йўқми, бу менга боғлиқ эмас. Менинг ишим - трансфер бозорида ишлаш эмас, "Милан"ни шуғуллантириш", - дейди сербиялик мутахассис.