«Милан» клуби «ПСЖ» ҳужумчиси Златан Иброҳимовични қўлга киритиш борасидаги ҳаракатларни тўхтатаётгани йўқ.
Миланликлар вице-президент Адриано Галлиани футболчининг агенти Мино Райола билан 33 ёшли швециялик ўйинчининг шахсий шартномаси борасида келишувга эришди.
"La Gazzetta dello Sport"нинг хабар тарқатишича, «Милан» Иброҳимович билан 3 йиллик шартнома имзолаб, унга 6 миллион евро йиллик маош ва яна қўшимча бонуслар тўлашга тайёр.
Маълумотларга қараганда, «ПСЖ» ҳужумчини 5,5 миллион еврога сотишга рози бўлган.
Эслатиб ўтамиз, Иброҳимович икки мавсумни «Милан»да ўтказиб, 2012 йилнинг июль ойида 21 миллион евро эвазига «ПСЖ»га трансфер қилинганди. Унинг парижликлар билан шартномаси 2016 йилнинг ёзида якунига етади.