“Антальяспор” клуби матбуот хизмати раҳбари Хасан Али Жейлан турк жамоасининг ўз таркибига “Манчестер Юнайтед” дарвозабони Виктор Вальдесни қўшиб олиши мумкинлигини тасдиқлади.
“Биз ҳақиқатдан ҳам Валдес билан музокара олиб боряпмиз. Келишувга эриша олсак, навбатдаги дунё даражасидаги юлдуз билан шартнома имзолашимиз мумкин бўлади”, - дея sports.ru “Антальяспор” клуби матбуот хизмати раҳбари сўзларини келтиради.
Эслатиб ўтамиз, аввалроқ турк клуби сафига эркин агент сифатида “Барселона”нинг собиқ икки ўйинчиси - Самуэль Это’О ва Роналдиньо келиб қўшилганди.