“Фиорентина” ҳимоячи Стефан Савич трансферини 15 млн еврога баҳоламоқда — “фиалкалар” 24 ёшли футболчига қизиқиш билдираётган “Атлетико”га айнан шунча товон пули белгилашган. Ўз навбатида мадридликлар футболчи учун 12 млн.дан воз кечишга тайёр туришибди, деб хабар бермоқда Championat.com.
Аввал, Савич трансфери бўйича “Фиорентина”га Россиянинг “Зенит” клуби таклиф билан чиққан, бироқ флоренцияликлар молиявий шартлари анча юқори эканини маълум қилишганди.
Умумий ҳисобда Савич Италия клуби сафида 108 учрашувда майдонга тушган, 4 гол киритиб, учта голли пасга муаллифлик қилганди. Черногория терма жамоаси сафида Савич 29 ўйин ўтказган ва 4 гол киритган. Унинг “Фиорентина” билан тўрт йиллик шартномаси(2019-йил) бор.