"Барселона" президентлигига номзод Жоан Лапортанинг вакили Жоан Оливер Неймарнинг трансфери билан боғлиқ воқеалар учун клубнинг аввалги раҳбариятини танқид қилди.
Эслатиб ўтамиз, бразилиялик футболчининг трансфери расман 57 миллион евро қилиб қайд этилган, аммо кейинроқ маълум бўлишича, каталонияликлар бошқа тўловлар биан умумий 100 миллион евро сарфлаган. Бундан ташқари ушбу трансфер бўйича жиноий иш очилган.
"Неймарнинг якуний нархи 220 миллион еврога етиши мумкин. Ҳозир унинг нархи 100 миллионни ташкил қилган. Аммо турли молиявий вазифалар ва суд ушланмалари билан яна 120 миллион евро қўшилиши мумкин", - дея Оливернинг сўзларини келтиради Marca.
Эслатиб ўтамиз, Лапортанинг сайловдаги рақиби Неймарнинг трансферини амалга оширган клубнинг собиқ раҳбари Сандро Росселнинг штабида бўлган Хосеп Бартомеу бўлиб турибди. Росселнинг истеъфосидан сўнг президент курсисига Бартомеу ўтирган.
