"Боруссия" ҳужумчиси Чиро Иммобиле тез орада "Севилья" футболчисига айланади. Жамоалар футболчининг трансферини 13,5 миллион еврога келишишди.
«Севилья» дастлаб 12 млн евро таклиф қилган бўлса, дортмундликлар 15 млн евро сўрашди. Якунда томонлар 13,5 млн еврода тўхталишди, дея хабар беради Bild нашри.
Иммобиле «Торино» «Боруссия»га "А" серия тўпурари сифатида 20 млн евро эвазига ўтганди. Италиялик ҳужумчи Роберт Левандоскийнинг ўрнини эгаллаши кутилганди, аммо у 24та ўйинда атиги 3та гол урди.
Иммобиле «Севилья»да Карлос Бакканинг ўрнини эгаллайди.
