Бастиан Швайнштайгернинг “Бавария”даги собиқ жамоадошлари футболчининг "Манчестер Юнайтед"га ўтишига муносабат билдиришди, деб ёзмоқда Soccer.ru. Эслатиб ўтамиз, мазкур трансфер ҳақида кеча расман маълум қилинганди.
"Мен жуда хафаман. Бутун жамоа қайғуда, чунки Бастиан “Бавария”да узоқ муддат тўп сурганди. Биз у билан барча титулларни қўлга киритгандик. Бундан ташқари биз у билан қалин дўстлар эдик”, - дея Франк Рибери клуб телевидениясига интервью берди.
"Ундан айрилиш мен учун оғир. Боиси биз бутун фаолиятимизни – клубда ҳам, терма жамоада ҳам биргаликда ўтказгандик. Аммо унга янги чақириқ зарур эди ва мен бунга кўнишга мажбурман. Клуб учун бу катта йўқотиш, бизга энди У етишмайди. Дўсти сифатида мен унга “МЮ”даги фаолиятида ҳам омад тилайман”, - дея мюнхенликлар сардори Филипп Лам ўз муносабатини билдирди.