АПЛнинг трансфер қудратини бутун дунёга маълум қилган "қизил иблислар" "кироллик клуби"га бир кунлик мухлат берди.    Бу муддат ичида нафақат "Реал", балки Де Хеа ҳам ўзининг тақдири ҳақида ўйлаб олишига тўғри келади. Испаниями ёки Англия? Хуллас, манчестерликлар жуда чўзилиб кетган трансфер тезда ниҳояланишини ё бўлмасам, Де Хеа жамоада қолишини маълум қилишган. Сабаби, уларни олдинда АҚШ бўйлаб саёҳат кутиб турибди.    У ерда машғулотлар ва албатта бошқа қитъадаги мухлислари билан юз кўришиши маълум қилинаётган "қизил иблислар" тўлиқ таркиб билан манзилга йўл олиши керак. Аммо, "Реал" ҳали ҳам Де Хеани расман ўз таркибига қўшиб олганича йўқ. Қолаверса, клуб "МЮ"га 40 миллион евродан кам бўлмаган трансфер баҳосини ҳам тўламади. "Қаймоқранглилар" "Порту"га ўтишга мажбур бўлган Икер Касильяс жамоани тарк этганини инобатга олсак, тезроқ ҳаракат қилишига тўғри келади.    Эслатиб ўтамиз, Де Хеа "МЮ" таркибида 37 учрашувда иштирок эжтган ҳолда 36 гол ўтказиб юборган. Испаниялик дарвозабон 11 учрашувда рақибларга имконият қолдирмаган ҳолда ўйинларни "қуруқ" билан тарк этган.