Россия терма жамоаси бош мураббийи Фабио Капелло ва терма жамоа бош менежери Оресте Чинквини Россия терма жамоаси билан шартномани бекор қилиш ҳақидаги келишувни имзолашди, дея хабар тарқатди Sports.ru.

Россия термасини Леонид Слуцкий бошқариши ҳақида бугун эрталаб хабар пайдо бўлганди. Аммо Россия футбол иттифоқи президенти вазифасини бажарувчи Никита Симонян Капеллонинг истеъфоси ҳақидаги хабарни инкор қилганди. Бундан бироз аввал эса Россия спорт вазири Виталий Мутко Капеллонинг тақдири ҳақидаги расмий хабар бугун ёки эртага эълон қилинишини маълум қилди.