Аргентиналик афсонавий футболчи Марадона Копа Америка мусобақасидан кейин терма жамоадаги фаолиятини якунлашга қарор қилган Лионел Мессини танқид остига олди.
“Бизнинг сафимизда дунёнинг энг яхши футболчиси бор. У “Реал Сосьедад” дарвозасига тўртталаб гол кирита олади. Аммо терма жамоага келганда уни танқид қилиш мумкинмас бўлиб қолади. Мессига энагалик қилишни бас қилиш керак. Унга ҳам худди терма жамоанинг бошқа футболчиларига бўлган муносабатда бўлиш зарур.
Тўғри, футболда ҳар хил воқеа рўй беради. Аммо Мессини ўлдириб кетишгани ёки зўрлаб қўйишгани йўқ. Ҳамма нарсадан фожеа ясаш керакмас.
Менинг бу гапларим – холис танқид. Биз Месси яхши томонга ўзгариши учун танқид қиляпмиз”, - дейди Марадона.
