Жорий мавсум бошида «Динамо» жамоаси сафига келиб қўшилган Азиз Ибрагимов биринчи даврадан сўнг жамоамиз сафини тарк этди.

Йил бошида клуб ва Азиз Ибрагимов ўртасидаги тузилган шартномага мувофиқ, футболчига хориж клубларидан таклиф тушса, у ҳолда клуб ўйинчи билан ўзаро ҳамкорликни тўхтатиши борасида банд бор эди. Шунга кўра, Азиз Ибрагимов «Динамо»ни тарк этди.

Таъкидлаш жоизки, Азиз Ибрагимов ярим мавсум давомида жамоада тўп сурган бўлсада, клуб ва мухлислар ишончини оқлай олди. Тажрибали ҳужумкор футболчи 14 ўйинда иштирок этиб, 4 маротаба муҳим голларга муаллифлик қилди.

«Динамо» футбол клуби Азиз Ибрагимовга ҳамкорлик учун миннатдорчилик билдириб, кейинги фаолиятига омад тилайди.