"Реал" клуби ҳужумчиси Карим Бензема ўз фаолиятини Англияда давом эттириши мумкин. 27 ёшли ҳужумчи "Арсенал"нинг ёзги трансферлар бозори вақтидаги энг асосий нишонларидан бири ҳисобланади.
Лондон клуби француз ҳужумчиси учун 45 миллион евронинг баҳридан ўтишга тайёр. Бенземанинг ўзи эса "Арсенал"да йилига 8 миллион евро миқдорида маош олиши кўзда тутилган.
Аввалроқ инглиз ОАВда унга "Манчестер Юнайтед" ҳам қизиқиш билдиргани ҳақида хабарлар тарқатилган эди. Бензема ўтган мавсумда "Реал" таркибида 44та ўйинда майдонга тушиб, 21та гол урган ва 12та голи узатмани амалга оширган эди.