“Бавария” клуби “Ювентус” ярим ҳимоячиси Артуро Видалга 2020 йилгача мўлжалланган шартнома таклиф қилади, деб хабар бермоқда Bild нашрига таяниб eurosport.ru.
Чилилик футболчининг немис грандини тарк этган Бастиан Швайнштайгер ўрнини эгаллаши кутилмоқда.
Қайд этилишича, мазкур трансфер учун Германия чемпионлари 35 миллион евро тўлайди.
Эслатиб ўтамиз, Бундеслига Видалга бегона эмас. Футболчининг Европадаги дастлабки жамоаси “Байер” бўлган ва у бу ерда 4 йил тўп сурганди. Ўз вақтида “Ювентус” Видални “доришунослар”дан 12,5 миллион евро эвазига сотиб олганди.
