Плеханов номидаги Россия иқтисодиёт университети олимлари икл маротаба ФИФАга аъзо 209 мамлакатнинг футбол ривожланиши индексини ҳисоблаб чиқди. Натижаларига кўра, Ўзбекистон футбол спорти ривожланиши кўрсаткичи бўйича 57-ўринда қайд этилди.

Ўзбекистон бу орқали Осиё мамлакатлари орасида олтинчи ўринни эгаллаган. Рўйхатда Япония (23-ўрин), Австралия (32-ўрин), Эрон (36-ўрин), Хитой (46-ўрин) ва Жанубий Корея (47-ўрин) Ўзбекистондан олдинда жойлашган.

МДҲ давлатларидан Россия 20-ўринни банд этган бўлса, Украина 33-ўринда қайд этилди. Рўйхатнинг юқори бешлигидан Германия, Франция, Голландия, Англия ва Италия ўрин олган.

Индексда учта гуруҳга бўлинган 11та кўрсаткич ҳисобга олинган: Терма жамоалар ва клубларнинг муваффақиятлари, футболнинг оммавийлиги, футбол ривожланиши учун ташқи омилларни баҳолашган.