АҚШ миллий соккер лигаси вакили «Чикаго Файр» ҳужумчи Дидье Дрогбага шартнома таклиф қилди, дея хабар беради sports.ru сайти ESPNга асосланиб.
Манбага кўра, таклиф қилинаётган шартнома бир ярим йилга мўлжалланган ва клуб футболчига 2,5 млн доллар йиллик маош бермоқчи.
Шунингдек, ивуарлик ҳужумчининг хизматига Қатар жамоаларидан бири ҳам қизиқиш билдираётгани ҳақида маълумот тарқатилганди.
Эслатиб ўтамиз, Дрогба ўтган мавсумни «Челси»да ўтказиб, АПЛнинг 28та ўйинида 4та гол урди.













