"Бавария"нинг ҳужумкор яримҳимоячиси Марио Гётце янги мавсумни "Ювентус"да бошлаши мумкин.
Football Italia нашрига кўра, "Кекса синьора" яқин вақтлар ичида "Бавария"га футболчини икки йилга ижарага олиш бўйича таклиф юборади. Туринликлар Гётцени 30 миллион еврога баҳолаган ва кейинчалик уни сотиб олишмоқчи.
Хабарга кўра, "Юве" бош директори ушбу келишувгаэришиш учун Германияга учган. Гётценинг кетиш истагига унинг жамоа бош мураббийи Хосеп Гвардиола билан чиқиша олмаётгани тахмин қилинмоқда.