“Бухоро” жамоаси миллий чемпионатимизнинг иккинчи даврасига тайёргарлик кўришда давом этмоқда, дейилади клуб расмий сайтидаги хабарда.
Жамоа кунига икки маҳалдан машқ олиб бормоқда. Жамоа таркибида катта ўзгаришлар бўлмоқда. Мураббийлар штаби кўплаб футболчиларни кўрикдан ўтказиб олишяпти. Бугунги кунга келиб расман фақатгина икки футболчи “Бухоро” футболчисига айланишган. Дарвозабон Сардор Қобулжонов ва ярим ҳимоячи Алишер Саноев бир неча кун олдин жамоа билан шартнома қилишган.
Тошкентдаги йиғин доирасида, кеча “Бухоро” Тошкентнинг “Локомотив” ёшларига қарши дастлабки назорат учрашувини ўтказди. Ҳар иккала жамоа ҳам асосан ёшларни синовдан ўтказиб олишди ва табиий-ки, аралаш таркиб майдонда ҳаракат қилган. Ушбу учрашувда бухороликлар 2:0 ҳисобида ғалаба қозинишган.
Жамоа эртага, 22 июль куни Мухтор Қурбонов бошчилигидаги “Шўртан”га қарши иккинчи назорат учрашувини ўтказади.
П.С: Жамоа ихтиёрига кўрикдан ўтиш учун кўплаб футболчилар келиб-кетишмоқда. Кўрикдан ўтаётганларнинг ҳар бири тўғрисида маълумот бериб бориш имконияти камроқ. Жамоа бирон-бир футболчи билан шартнома имзолаши биланоқ сайтимизда хабар берамиз.
