"Реал" раҳбарияти ва мураббийлар штаби "Вольфсбург" ҳимоячиси Рикардо Родригесга қизиқмоқда, дея хабар беради Marca.
манбага кўра, мадридликлар ҳимоячи Фабио Коэтрауга кўп умид қилишмаяпти ва чап қанот ҳимоясини мустаҳкамламочилар. Номзодлар орасида Родригесга қизиқишлар кўпроқ бўлмоқда. "Реал" уни сотиб олишга қарор қилса, клуб президенти Флорентино Перес немис клуби раҳбари, миллати испан бўлган Франсиско Гарсия Санс билан дўстлигига умид қилмоқда.
Родригеснинг немислар билан артномаси 2019 йилгача тузилган ва жамоанинг энг кўп ҳақ тўланадиган ўйинчиларидан бири ҳисобланади. Бундан ташқари унга "МЮ" ҳам қизиқмоқда.