“Машъал” давралар оралиғида ташкил этилган иккинчи йиғинини бошлаган. 20 июлгача қисқа таътилда бўлгaн футболчиларимиз шу кундан бошлаб ёзги йиғиннинг иккинчи босқичини бошлади.
Бу йиғин давомида футболчиларимиз асосан назорат учрашувлари ва амалиётга эътибор қаратади. Иккита назорат учрашувида йиғинда қатнашаётган барча футболчилар майдонга тушади.
Бўлиб ўтаётган иккинчи босқич тайёргарлигида ҳам бир неча янги футболчилар кўрикда бўлади ва мураббийлар штабида ижобий таассурот қолдирган футболчилар билан шартномалар имзоланади. Бу ҳақида расмий ҳужжатлар ҳал бўлгандан сўнг хабар берамиз.
Айтиб ўтиш керакки, биринчи давра якунида жароҳати туфайли сафдан чиққан барча футболчиларимиз машғулотларда иштирок этмоқда.
