«Барселона» президенти Жозеп Бартомеу ярим ҳимоячиси Педро Родригеснинг бошқа жамоага ўтиши мумкинлиги ҳақида хабарни инкор қилди.
Аввалроқ 27 ёшли футболчи билан «Челси», «Арсенал» ва «Манчестер Юнайтед» қизиқаётгани ҳақида ва Педрога 30 миллион евро тўлашга тайёрлиги ҳақида хабар тарқатилганди.
«Ҳеч қайси футболчи, жумладан, Педро бўйича ҳам таклиф олганимиз йўқ. Луис Энрике айтган гапни мен ҳам такрорлашим мумкин: агар кимдир футболчиларимизни қўлга киритишни истаса, у ҳолда шартномада кўрсатилган товон пулини тўлаши шарт. Ҳозирча ҳеч ким ҳеч қандай таклиф билан чиққани йўқ. Шу боис, биз хотиржаммиз», – дейди Бартомеу.