Лондоннинг "Арсенал" клуби "Боруссия" Дортмунд ҳужумчиси Пьер-Эмерик Обамеянгни ўз сафига қўшиб олмоқчи. Бу борада эса музокаралар аллақачон бошлаб юборилган.
France Football нашрига асосланиб euro-football.ru сайтининг хабар беришича, “канонирлар” габонлик форвард учун 40 миллион евро таклиф қилишган.
"Боруссия" ўз етакчиси билан хайрлашишни режалаштирмаяпти. Шу сабабли бир муддат илгари ўйинчига янги шартнома таклиф қилди. Аммо Обамеянгнинг ўзи фаолиятини АПЛда давом эттиришга қарши эмас.
Эслатиб ўтамиз, 26 ёшли футболчи 2013 йили "Сент-Этьен"дан "Боруссия"га кўчиб ўтганди.
