“Челси” ҳимоячиси Филипе Луис Англия Премьер-лигасидаги бир йиллик фаолиятидан сўнг яна қадрдон “Атлетико” клубига қайтмоқда.

“Биз Филипе Луисни сотдик. Унинг ўрнига янги ўйинчи таклиф қилмаймиз. Таркибимиз аллақачон оптимал кўринишга келиб улгурган.

Луиснинг вазифасини Сесар Аспиликуэта бажаради. У Премьер-лигадаги энг кучли чап қанот ҳимоячиларидан бири”, - дея eurosport.ru “аристократлар” бош мураббийи Жозе Моуриньонинг сўзларини келтиради.

Эслатиб ўтамиз, Луис 2010-14 йиллар давомида “Атлетико”да тўп сурган ва “матрасчилар” билан Испания чемпиони ва Европа Лигаси ғолиби бўлганди.