“Шальке” ярим ҳимоячиси Юлиан Дракслер “Вольфсбург” клубида қизиқиш уйғотди.
Германиялик 21 ёшли футболчи учун асосий даъвогар сифатида “Ювентус” тилга олинмоқда. Аммо ҳозирча музокаралар якунига етмаган.
Bild нашрига таяниб sports.ru сайтининг хабар беришича, “Вольфсбург” ҳам Дракслер учун курашга қўшилган. “Бўрилар” ушбу футболчини яқин вақт ичида “Манчестер Сити”га ўтиб кетиши кутилаётган Кевин де Брюйненинг ўрнига таклиф қилмоқчи.
Эслатиб ўтамиз, Драксленинг “Шальке” билан амалдаги шартномаси 2018 йилгача мўлжалланган. Гельзенкирхенликлар футболчи сотувидан 30-35 миллион евро ишлаб олишни кўзламоқда.
