Кеча Испания чемпионлигини қўлга киритган Каталониянинг “Барселона” жамоасининг ўтган мавсум якунлари бўйича бир қатор статистик натижаларини эътиборингизга ҳавола этган эдик. Бугун Англия чемпиони “Челси”нинг 2014/15 йилги мавсум сарҳисобига тўхталиб ўтамиз.

Трансферлар
Лондонликлар ўтган йилги ёзги трансфер ойнаси пайтида ўз таркибларига 5 нафар футболчини қўшиб олишди. Фабрегас (27 млн.фунт) ва Коста (32 млн.фунт) ўзларига сарфланган маблағларни тўла оқлашди ва жамоанинг чемпионлигига муносиб ҳисса қўшишди. Луис (16 млн.фунт), Реми (10,5 млн.фунт) ҳақида эса бундай деб бўлмайди. Эркин агент сифатида клубга қайтган Дрогба ҳам ўртача таасурот қолдирди. Қишда “Фиорентина”дан харид қилинган Куадрадо (23,3 млн.фунт) эса ишончни оқлай олгани йўқ.

Дарвозабонлар
1. Тибо Куртуа (39 ўйин (-35 гол))
2. Петр Чех (16 ўйин (-11 гол))
Моуриньо бутун мавсум мобайнида иккита дарвозабоннинг хизматларидан фойдаланди. Куртуа клубнинг биринчи рақамли дарвозабонига айланди. У мавсум давомида 39 та учрашув ўтказди. Чех эса бор йўғи 16 та учрашув ўтказди. Иккала посбон ҳам дарвозада ишончли ҳаракат қилганликларини таъкидлаб ўтиш жоиз.

Ҳимоячилар
1. Жон Терри (49-8)
2. Бранислав Иванович (49-6)
3. Гари Кейхилл (48-3)
4. Сесар Аспиликуэта (40-0)
5. Фелипе Луис (26-1)
6. Курт Зума (26-2)
7. Натан Аке (5-0)
8. Андреас Кристенсен (3-0)
Терри, Иванович, Кейхилл ва Аспиликуета жамоанинг асосий ҳимоячилари бўлишди. Улар мавсум давомида 40 та ва ундан ортиқ ўйинларда майдонга тушишди. Жозе Луис ва Зумадан ҳам вақти вақти билан фойдаланиб турди. Шунингдек мураббий кубок баҳсларида Аке ва Кристенсен сингари ёшларга ҳам ўйнаш имкониятини тақдим этди.

Ярим ҳимоячилар
1. Эден Азар (52-19)
2. Неманя Матич (49-3)
3. Виллиан (49-4)
4. Фабрегас (47-5)
5. Оскар (41-7)
6. Жон Оби Микел (26-1)
7. Хуан Куадрадо (14-0)
8. Муҳаммад Салах (8-0)
9. Рубен Лофутус-Чик (4-0)
10. Айзая Браун (1-0)
Моуриньо ярим ҳимояда кўпинча 5 та футболчини асосий таркибда майдонга туширди. Булар Азар, Матич, Виллиан, Фабрегас ва Оскар. Улар орасида Азар ўйин ўтказишда ҳам гол уришда ҳам яққол етакчилик қилди. Микел ва Куадрадо тез-тездан майдонга тушиб туришган бўлишса, Салах, Лафутус-Чак ва Браун сингари ўйинчилар ҳам онда-сонда майдонда кўриниш беришди.

Ҳужумчилар
1. Дидье Дрогба (39-7)
2. Диего Коста (37-21)
3. Люк Реми (26-9)
4. Андре Шюррле (22-5)
5. Доминик Соланке (1-0)
Қария Дрогба ҳужумчилар орасида энг кўп майдонга тушгани бўлди. Бироқ у олдингидек сермаҳсуллигини намойиш эта олмади. Котд’Ивуарлик ҳужумчи ўз ҳисобига атиги 7 та гол ёздириб қўйди. Мадриддан ташриф буюрган Коста эса 21 та гол киритди. Афсуски Диегога жароҳатлар панд берди. Шундай бўлса ҳам у дебют мавсумини ёмон ўтказмади. Реми мавсумдаги ўйинларнинг ярмида майдонга тушган бўлса ҳам Дрогбадан кўпроқ гол урди. Шюррле эса биринчи даврада 5 та гол уриб, иккинчи даврада ўз ватанига йўл олди. Жамоанинг ёш ҳужумчиси Соланке битта учрашувда майдонга тушди.

Тўпурарлар
1. Коста – 21
2. Азар – 19
3. Реми – 9
4. Терри – 8
5. Оскар – 7
6. Дрогба - 7
“Челси”нинг мавсум мобайнида киритган 109 та голига 16 нафар футболчи муаллифлик қилди. Кутилганидек Коста энг кўп гол урган футболчига айланди. Азар эса иккинчи бўлди. Энг ажабланарлиси Терри ҳимоячи бўлишига қарамай жамоанинг мавсумдаги тўртинчи тўпурари бўлди. У гол уришда Дрогба, Фабрегас каби жамоадошларини ҳам орқада қолдирди.

Ассистентлар
1. Фабрегас – 23
2. Азар – 11
3. Оскар – 9
4. Виллиан – 5
5. Иванович – 5
“Барселона”дан харид қилинган Фабрегас мавсум давомида жамоадошларига 23 та голли узатмани амалга оширди. Азар эса 11 та голга ҳаммуаллифлик вазифасини бажарди. Умуман олганда “Аристократлар”нинг 17 футболчиси 82 та голли узатма беришган.

Карточкалар
“Челси”нинг 18 футболчиси ўтган мавсумда 98 та сариқ, бир марта иккинчи сариқ ва 3 бора қизил карточка билан “сийланишган”. Иванович 14 сариқ + 1 иккинчи сариқ карточкани олиб жамоанинг энг қўпол футболчисига айланди. Ундан кейинг ўринлар эса Фабрегас (13 сариқ + 1 қизил), Матич (10 сариқ + 1 қизил)га насиб қилди.


Умумий статистика

Учрашувлар сони: 54 та
Ғалаба: 36
Дуранг: 14
Мағлубият: 4
Урилган голлар: 109
Ўтказилган голлар: 46
“Қуруқ” ўйинлар: 23
Энг йирик ҳисоб: “Марибор” 6:0 (Чемпионлар лигаси, гуруҳ босқичи)
Энг йирик мағлубият: “Вест Бромвич” 0:3 (Англия чемпионати)

Фурқат Юсупов тайёрлади
Манба: www.Furkat.uz